අනගාරික ධර්මපාල තුමා දේශපාලනඥයෙක් නොවෙයි. සිංහල බෞද්ධ නායකයෙක් විතරයි. එතුමා සිංහල බෞද්ධයා අවදි කිරිමට හා කෙලින් කිරිමට හැම විරියක්ම දැරුවා. එතුමා අයත් වෙන්නෙ හේවාවිතාරන පවුලටයි. මෙම පවුල සිංහල වෙළඳ බලයක් ගොඩනැංවිමට මහන්සි ගත්තා. වෙළෙන්දො තමා ලෝකය දිනන්නෙ. සිංහලයින්ගෙ වැටීමට එක හේතුවක් තමයි වෙළදාමට උනන්දුවක් නොදැක්වීම. උනන්දුවක් දක්වපු ස්වල්ප දෙනාටත් මාක්ස්වාදීන් වැඬේ දුන්නා.
හේවාවිතාරන පවුල තමා අත් යන්ත‍්‍ර රෙදි නිෂ්පාදනය ආරම්භ කරන්නෙ. සර් ඞී. බී ජයතිලක වැනි ඉංග‍්‍රිසින්ගෙන් නම්බු නාම ලැබු උගත් දේශපාලනඥයින් ධර්මපාලතුමාට බයවුනා. එතුමාව රටින් පිටකර ගත්හ. ඉන්දියාවට ගිය ධර්මපාලතුමා අන්‍යාගමිකයින් අල්ලාගෙන තිබු බෞද්ධ සිද්ධස්ථාන බෞද්ධයන්ට සතුකරදීම සඳහා මහා පරිශ‍්‍රමයක් දැරුවා. ඒ සේවයේ වටිනාකම එතුමා ජිවත්වු සමයේ සිටි සිංහල දේශපාලනඥයන්ට වැටහුනේ නැහැ. මාක්ස්වාදය කරපු උදවියට ධර්මපාලතුමා ජාතිවාදය අවුස්සන ආගම්වාදය පතුරුවන අපරාධකරුවෙක් වගේ පෙනි ගියා. මේ හැමෝම එතුමාට ආගම් පිස්සා කියමින් නින්දා අපහාස කළා. ජාතිවාදියා කියමින් නින්දා අපහාස කළා.
මේ කාරණා ස්වල්පය මතක් කරන්නේ ඉන්දියාව හා ලංකාව අතර පැවති ඓතිහාසික සංස්කෘතික සබඳතාවය තහවුරු කිරිම හා පවත්වාගෙන යාම සඳහා ධර්මපාලතුමා කරපු උතුම් සේවය වෙනුවෙන් ඉන්දියාව අනගාරික ධර්මපාලතුමා වෙනුවෙන් සමරු මුද්දරයක් නිකුත්කරපු හින්දයි. කලූ සුද්දන් වශයෙන් ලංකාව පාලනය කරපු දේශපාලනඥයන් සහ මාක්ස්වාදී දේශපාලනඥයන් හැමෝටම වඩා ධර්මපාලතුමා ඉන්දියාවට වටිනා පුද්ගලයෙක් බව ඉන්දියාව පිළිගන්නා බව මෙම ක‍්‍රියාවෙන් පැහැදිලියි. කලූ සුද්දන් හැමෝටම ධර්මපාලතුමා ජාතිවාදියෙක් ආගම් වාදියෙක්. නමුත් ඉන්දියාව එහෙම හිතා නැහැ. ධර්මපාලතුමා ඉන්දියාව හා ලංකාව එක් කිරිමට සංස්කෘතික පාලමක් දැමු මහා ඉංජිනේරුවෙක් වශයෙන් ඉන්දියාව දකින්නෙ.
ධර්මපාලතුමා ඇරඹු ලංකාව හා ඉන්දියාව අතර සබඳතාවය සම්පුර්ණ කිරිමට නම් සිංහල ජාතිය ඔවුන්ගේ ඉන්දියානු නෑයන් සමග සම්බන්ධ කළ යුතුයි. ඊට හැකියාව තියෙන දේශපාලන නායකයින් නැහැ. බලය තියෙන සිංහල දේශපාලනඥයින් පිරිසක් සිංහලයන්ට බෞද්ධයන්ට සේවය කිරිම නිසා දෙමළ හෝ මහමදික ජන කණ්ඩායම් තරහවේයයි බයයි. ඉතිරි පිරිස එවැනි සේවයක් කරමින් සිංහල බෞද්ධයන්ට සේවය කිරිමට කැමති නැහැ.
ඉන්දියාවේ නෑයන් සමග සම්බන්ධ වෙනවා තියා සිංහල ජාතිය තව අවුරුදු කීයක් පවතීද යන සැකය දැන් මතුවෙලා තියෙනව.ඊට ප‍්‍රධාන හේතුව පුංචි පවුල රත්තරන් කිරිමේ වැඩ පිළිවෙලයි. මේ සාහසික වැඩ පිළිවෙලට රට පාලනය කරපු එක්සත් ජාතික පක්ෂය හා ශ‍්‍රී ලංකා නිදහස් පක්ෂය එක සමානව වගකිව යුතු වෙනව. මේ දෙපාර්ශවයම මෙම අපරාධයට සම්බන්ධයි. පුංචි පවුල සිංහල ජාතිය වඳකිරිම සඳහා කාලයකට පෙර ඇරඹුන සෞඛ්‍ය අමාත්‍යාංශය සම්බන්ධකරගෙන ගෙනිගිය ඉතාම සංවිධානාත්මක වැඩ පිළිවෙලක්. එහි ප‍්‍රතිඵල තමා දැන් පෙනෙන්ඩ අරගෙන තියෙන්නෙ.
සිංහලයාට දුර නොපෙනුනේ ඇයි? මෝඩයින් නිසාය කියල මහමදික පිරිස් කියනව. ඒක ඇත්තක් වෙන්ඩත් පුලූවනි. බොහෝ ගම්බද සිංහල පාසැල් වැසීයනව. පන්සල් පාලූවෙනව. ඉස්ලාම් ජනගහණය ලියලනව. සිංහල ගම් පැවතුන තැන්වල දැන් තියෙන්නෙ මහමදික ගම්. වර්තමාන අවදියේ උපදින හා බාල වයසේ පසුවන හැම දරුවෙකුටම අනාගතයේ ඔවුන් සිංහලයන් නිසා විඳින්ඩ සිදුවෙනව. අප හැමෝම ඊට වගකිව යුතුයි. ඇයි අපිනෙ පුංචි පවුල රත්තරන් වැඩ සටහනට අහුවෙලා ජාතිය නැසීමේ ව්‍යාපාරයට හවුල්වු මුල් පිරිස.
අනාගතය මෙ තරම් අවදානම් වෙලා තියෙද්දිත් තාමත් මොලේ පාදාගන්ඩ බැරි සිංහලයෝ ඉන්නව.වැඩිපුර දරුවන් හැදුවාම ඔවුන්ට කන්න බොන්න දෙන්නේ කොහොමද? උගන්වන්නේ කොහොමද? කියා ප‍්‍රශ්න නගමින් පුංචි පවුල් හැදීමට මෙම පිරිස උපකාර කරනවා. මේ අපරාධය කරන පිරිස අතරේ වැඩි දෙනා අධ්‍යාපනයක් ලැබු පිරිසවීම අභාග්‍යක්. ඔවුන් පුංචි පවුල් හදනව. සාමාන්‍ය ජනතාවට වැරදි ආදර්ශයක් සපයනව.
සිංහල ජාතියේ පැවැත්මට නම් හැම සිංහල පවුලක්ම අඩු වශයෙන් දරුවන් හතරක් හැදීය යුතුයි. කතාකරමින් හිටින්ට කාලයක් නැහැ. එය තමා සිදුවිය යුත්තෙ. අවවාදයට වඩා ආදර්ශය හොඳය කියල පිරුලක් තියෙනවනෙ.අන්න ඒකෙ පිහිටා අන් අයට ආදර්ශය සපයන්ට ලොකු පවුල් හදන පිරිසක් ඇතිවුනොත් සිංහල ජාතිය ගොඩනගන්ඩ පුලූවනි. මේකට සංවිධාන උවමනා නැහැ. ජාතියට ආදරය ඇති හැම සිංහල තරුණයෙක්ම ආදර්ශමත් චරිතයක් විය යුතුයි. එවැනි ආදර්ශමත් චරිතවලට පුංචි පවුල හැදිමේ වැඩ පිළිවෙලට අසුවු අයගේ උපරිම සහය සහ ආධාර ලැබිය යුතුයි.
සිංහල ජාතිය ගොඩනංවන වැඩ පිළිවෙලකට දැන් තියෙන ආණ්ඩුවෙන් ආධාර ලැබේයයි සිතන්ඩ බැහැ. යු ඇන්පී රජයකින් කොහෙත්ම සහයක් ලැබෙන්නෙ නැහැ. සිංහල ජාතිය ගොඩනැඟිමට මහන්සි ගන්න බොදු බල සේනා රාවනා බලය ජාතික හෙලඋරුමය වැනි සංවිධාන වලට මේක කරන්ඩ බැහැ. මෙය සිදුවෙන්නෙ හැම සිංහලයෙක්ම ජාතික හැගුමෙන් යුතුව මේ කටයුත්තට දායකවුනොත් විතරයි.
සිංහල ජාතිය ගොඩනැංවිම සඳහා පුංචි පවුලට විරුද්ධ අලූත් පරපුරක් බිහිවිය යුතුයි. ඒ සමගම සිංහලයන්ගේ දැනුම දියුණුකරන පොත පත සහ කලා කෘතින් වැඩි වැඩියෙන් බිහිවිය යුතුයි. මොකද වඳවීගෙන යන සිංහලයාගේ ඥානය දුර්වල කිරිමට නොයෙකුත් උපාය උපක‍්‍රම රටේ භාවිතා වෙනව.
